ქართული და უკრაინული კულტურის საღამო ბორჯომში

ქართულ-უკრაინული კულტურის საღამო ბორჯომის ცენტრალური პარკის კინოდარბაზში, სამ ივლისს, 16:00 საათზე დაიწყება.
ღონისძიებაზე წარმოდგენილი იქნება:

- უკრაინელი თანამედროვე მხატვრის ალექსანდრე ოხაპკინის ნამუშევრების გამოფენა;
- ძველებური, უკრაინული ნაქარგი პირსახოცებისა (რუშნიკების) და თავსაფრების გამოფენა;
- უკრაინის დამსახურებული არტისტის, ივანა კოტიაშ-ელერდაშვილის მუსიკალური პროგრამა;
- ვლადიმერ ვეფხვაძის ხეში ნაკვეთი ხატების გამოფენა;
- მევიოლინე თეა მანჩხაშვილის კონცერტი.

ქართულ-უკრაინული კულტურული ღონისძიებების ჩატარებას ბორჯომში ტრადიციული სახე აქვს. იგი ბორჯომის მუნიციპალიტეტისა და უკრაინის საელჩოს ერთობლივი მხარდაჭერით იმართება.

ინიციატივა ემსახურება საქართველოსა და უკრაინას შორის მეგობრული ურთიერთობების განმტკიცებას, კულტურული მიღწევებისა და ღირებულებების გაცვლას.

[თაკო ფეიქრიშვილი, ბორჯომი]