ეკლესია დღეს იოანე ნათლისმცემლის თავისკვეთის დღეს აღნიშნავს

მესხეთში ამ დღეს განსაკუთრებულად აღნიშნავენ. მორწმუნეები იოანე ნათლისმცემლის თავისკვეთის დღეს ვარძიის მახლობლად, გამოქვაბულში მდებარე სამლოცველოში მიდიან, თავკვეთულა - ასე ქვია ამ ადგილს. თავკვეულამდე მისასვლელად მრევლმა მდინარე უნდა გადალახოს. ეს ერთადერთი დღეა, როდესაც მდინარე მტკვარზე წყლის დონე იკლებს და მორწმუნეები მასზე ფეხით გადადიან. ამ დღეს, ამ ადგილას, მორწმუნეები მთელი საქართველოდან იკრიბებიან.

წმინდა სახარების მიხედვით, წმიდა იოანე ნათლისმცემელს თავი გალილეის მმართველის, ჰეროდე ანტიპას ბრძანებით მოკვეთეს. მანამდე წმ. ნათლისმცემელი ჰეროდეს საპყრობილეში ჰყავდა დატყვევებული, რადგან მას უზნეო ცხოვრებისთვის დაუფარავად ამხელდა კანონიერი ცოლის დატოვებისა და საკუთარი ძმის, ფილიპეს მეუღლესთან, ჰეროდიადასთან უკანონო თანაცხოვრების გამო.

წმ. წინასწარმეტყველის თავის მოკვეთის სურვილით ფილიპეს ჰეროდეას ქალიშვილმა, სალომეამ დედის ჩაგონებით მიმართა, რადგან მას სძულდა წმ. ნათლისმცემელი.

სალომეა ფილიპეს დაბადების დღის აღსანიშნავ წვეულებაზე ცეკვავდა. მისი ცეკვით მოხიბლული ჰეროდე კი სალომეას ნებისმიერი სურვილის შესრულებას დაჰპირდა. სალომეამ ლანგარზე წმ. იოანე ნათლისმცემლის თავი მოითხოვა. წმ. იოანე ნათლისმცემლის თავისკვეთის დღეს მორწმუნეები ტრადიციულად მარხვით აღნიშნავენ.

ვიდეო და ფოტომასალას "სამხრეთის კარიბჭე" დღის ბოლოს მოგაწვდით.

[sknews.ge]