ადიგენში მამაკაცს ჯერ თოფი ესროლეს, შემდეგ ყელი გამოჭრეს

ადგილობრივები ამბობენ, რომ მკვლელმა გარდაცვლილს ჯერ თოფი ესროლა, შემდეგ კი ყელი გამოჭრა. მკვლელობა აბასთუმნის მახლობლად, კურცხანის ტყეში მოხდა. გარდაცვლილი 6 თვის განმავლობაში, ტყის მცველად მუშაობდა.

„ვინც ჩაიდინა მკვლელობა, ფხეროში დაურეკავს ერთ-ერთ ადგილობრივთან, კაცი მოვკალი და მომეშველეთო“, - განაცხადა „სამხრეთის კარიბჭესთან“ სოფელ ფხეროს რწმუნებულმა ნოდარ ობოლაძემ.

შინაგან საქმეთა სამინისტროს პრესსამსახურის წარმომადგენლის ნინო ცხადაძის განცხადებით, მკვლელის ვინაობა უკვე დადგენილია.

ამ წუთებში მკვლელობის ადგილზე სასწრაფო დამხარების მანქანა და სამართალდამცავები არიან. გარდაცვლილის ოჯახის წევრებმა ჯერ არაფერი იციან.

„სამხრეთის კარიბჭე“ შემთხვევის ადგილზეა და მოვლენების განვითარების შესახებ შეგატყობინებთ.

[sknews.ge]