მკვლელობა ნინოწმინდაში

შემთხვევა, 13 იანვარს, საღამოს მოხდა.„სამხრეთის კარიბჭე“–ს ინფორმაციით, რამდენიმე უცნობი პირი, სავარაუდოდ ბინის გაძარცვის მიზნით სახლში შეღწევას ცდილობდა.

შემთხვევის დროს ოჯახში რძალი და დედამთილი იმყოფებოდა. ჩვენი ინფორმაციით, შუახნის ქალბატონმა მძარცველებს წინააღმდეგობა გაუწია, რასაც ქალბატონის სიცოცხლე ემსხვერპლა.

„მგონი დანით მოხდა მკვლელობა, როგორც ვიცი 4–ჯერ დაარტყეს. მეტი ინფორმაცია არ მაქვს.“–აცხადებს, ნინოწმინდის გამგებელი გაგი კარსიანი.

შინაგან საქმეთა სამინისტრო აღნიშნულ ფაქტს ადასტურებს. მათი ინფორმაციით, დღეს, 16 იანვარს, მკვლელობაში ეჭვმიტანილი 5 პირი დააკავეს.

გამოძიება განზრახ მკვლელობის ფაქტზე, სსკ-ს 108-ე მუხლით მიმდინარეობ.

[ვარლამ წიკლაური, ნინოწმინდა]