ეროვნული სამოსის დღე ახალციხეში [ფოტო]

ეროვნული სამოსის დღისადმი მიძღვნილ მსვლელობაში მონაწილეობა, ახალციხეში მოქმედმა ოთხმა ქორეოგრაფიულმა ანსამბლმა: „მესხეთმა“, „სამცხემ“, „ლომსიამ“ და „ახალციხემ“ მიიღო. მსვლელობის შემდეგ, „ახალციხის ციხის“ ტერიტორიაზე ანსამბლებმა რამდენიმე საცეკვაო ნომერიც შეასრულეს.

ეროვნული სამოსის დღისადმი გამართულ მსვლელობაში, ადგილობრივი თვითმმართველობის ხელმძღვანელი პირებიც მონაწილეობდნენ.

„ქართული სამოსის დღეს, უკვე რამდენიმე წელია უერთდება ჩვენი ქალაქი და არც წელს იქნება გამონაკლისი, ამიტომ ამ დღეს, ესე განსაკუთრებულად ვხვდებით“,–განაცხადა მერიის კულტურის სამსახურის უფროსმა ზაზა თამარაშვილმა.

საქართველოს ეროვნული სამოსის დღე საზოგადოების მიერ თვითორგანიზებული დღესასწაულია. იგი 2016 წელს დაწესდა. დღევანდელ დღეს შეუერთდნენ სამცხე–ჯავახეთის სხვა მუნიციპალიტეტებიც.
















[ლუბა გიორგაძე, ახალციხე]