სამცხე-ჯავახეთის უნივერსიტეტში ვაკანტური ადგილები დარჩა

ახალციხისა და ახალქალაქის სასწავლო დაწესებულებების შეერთების შემდეგ, უნივერსიტეტსმა ვაკანსიები ერთ მისამართზე გამოაცხადა. თუმცა სად ისწავლიდა სტუდენტი ფაკულტეტებს მითითებული ჰქონდა. ახალციხის მისამართზე 800 ვაკანტური ადგილი იყო, ახალქალაქის მისამართზე კი 200.

“ეს შეთანხმება გაკეთდა გამოცდების ეროვნულ ცენტრთან. სწავლება ხორციელდება ერთსა და იმავე პროგრამაზე, მხოლოდ სხვადასხვა მისამართზე“, - ამბობს სამცხე-ჯავახეთის სახლემწიფო სასწავლო უნივერსიტეტის რექტორის მოადგილე ნიკოლოზ ახალკაცი.

აბიტურიენტების სიმცირეს ახალკაცი ასე ხსნის: „სახელმწიფო სასწავლებლებში, რომლებსაც დოქტურანტურაც ჰქონდა, 17 სპეციალობაზე უფასო სწავლება დაიშვა, ამ ფაქტორმა გარკვეული გავლენა მოახდინა არამარტო ჩვენ, არამედ იმ რეგიონის სასწავლებლებზე, სადაც უფასო სწავლება არ იყო დაშვებული“.

უნივერსიტეტში ყველაზე მეტი სტუდენტი განათლების, ჰუმანიტარულ და სოციალურ მეცნიერებათა ფაკულტეტზე ჩაირიცხა.

სასწავლებელს მიღება სამაგისტრო და პროფესიულ პროგრამებზეც აქვს გამოცხადებული.

პროფესიულ პროგრამებზე 130 ვაკანტური ადგილია გამოცხადებული. გამოცდებს ოქტომბრის თვეში გამოცდების ეროვნული ცენტრი ჩაატარებს.
უნივერსიტეტს მაგისტრატურის 8 პროგრამაზე 70 ადგილი აქვს თავისუფალი. რეგისტრაცია დაწყებულია და 11 სექტემბერს დასრულდება. გამოცდები 12 და 13 სექტემბერს ჩატარდება.

[თინათინ ზაზაძე, ახალციხე]