ინციდენტი ქუთაისში

”პარლამენტის უკან მშენებლობაზე ხარაჩოს ჩამონგრევისას ერთი ადამიანი დაიღუპა” - განაცხადა რამდენიმე წუთის წინ პრეზიდენტმა მიხეილ სააკაშვილმა პირდაპირ ეთერში. ეს განცხადება მან მასწავლებლის სახლში მასწავლებლებსა და მოსწავლეებთან შეხვედრისას გააკეთა.

ქუთაისის საინფორმაციო სააგენტო ”ნიუპრესის” ინფორმაციით, ამ წუთებში გარდაცვლილის ცხედარს ექსპერტიზა უტარდება. მისი ვინაობა ჯერჯერობით არ ხმაურდება. ქუთაისის ინტერვენციული მედიცინის ცენტრში ამბობენ, რომ პარლამენტის ნგრევის შედეგად 20–მდე მუშა დაშავებული. თუმცა, იმას, რომ დაშავებულები სწორედ აღნიშნულ ცენტრში გადაიყვანეს არ ადასტურებენ. დაშავებულთა ზუსტი ადგილსამყოფელის შესახებ ინფორმაცია ამ დრომდე არ ვრცელდება.

როგორ ”თიესპრესჯი” იუწყება, ქუთაისის მაჟრიტარი დეპუტატი აკაკი ბობოხიძე აცხადებს, რომ ჩამოინგრა პარლამენტის შენობიდან 100 მეტრში მდებარე მშენებარე დამხმარე შენობა, რომლის ორი სართული იყო აშენებული.

ბობოხიძის ვარაუდით, მშენებლობისას ხარაჩოები არ იყო სანათანადოდ გამაგრებული და მასზე ზედა სართული აშენებამ, კედლის ჩამონგრევა გამოიწვია.

”ქუთაისში პარლამენტის მშენებლობა რომ არ დასრულდეს, ბევრი ადამიანი აგებს პასუხს ”, - ამის შესახებ პრეზიდენტმა 5 მაისს ბათუმში, სტუდენტებთან შეხვედრისას, ქვეყანაში მიმდინარე მშენებლობებზე საუბრისას განაცხადა.

საქართველოს პარლამენტის მშენებლობა ქუთაისში 2009 წლის 19 დეკემბერს ”დიდების” მემორიალის ნგრევით დაიწყო. მაშინ, მემორიალის აფეთქებისას, უსაფრთხოების ნორმების დარღვევის გამო პარლამენტის მიმდებარე ტერიტორიაზე მცხოვრები დედა-შვილი დაიღუპა.

ქუთაისის პარლამენტის შენობა დაჩქარებული ტემპებით აშენდა და 26 მაისს იქ პირველი საზეიმო სხდომაც გაიმართა.

[sknews.ge]