ტურიზმის განვითარებისათვის რეგიონებს შორის მემორანდუმი გაფორმდა

ურთიერთთანამშრომლობის მემორანდუმს ხელი სამცხე-ჯავახეთის სახელმწიფო რწმუნებულმა ბესიკ ამირანაშვილმა, მცხეთა-მთიანეთის სახელმწიფო რწმუნებულმა შალვა კერესელიძემ და შიდა ქართლის სახელმწიფო რწმუნებულმა გიორგი ხოჯევანიშვილმა მოაწერეს.

მხარეები ერთობლივად დაგეგმავენ და განახორციელებენ ღონისძიებებს, რომლებიც სამცხე-ჯავახეთში, მცხეთა-მთიანეთში და შიდა ქართლში ტურიზმის პოპულარიზაციას, ტურისტული ინფრასტრუქტურის გაუმჯობესებას და ვიზიტორების რაოდენობის ზრდას შეუწყობს ხელს.

თანამშრომლობის ფარგლებში მხარეები უზრუნველყოფენ ტურისტების ინფორმირებას რეგიონების ღირსშესანიშნავი ისტორიულ-კულტურული ობიექტების შესახებ, მოაწყობენ ერთობლივ ტურებს და ექსკურსიებს, ერთად იმსჯელებენ ტურიზმის სფეროში არსებული ინოვაციების რეგიონში დანერგვის გზებზე.

მემორანდუმი ასევე ითვალისწინებს რეგიონებში შემავალი მუნიციპალიტეტებისა და ტურიზმის სფეროში მოქმედი კომპანიების თანამშრომლობის ხელშეწყობას.

[sknews.ge]