ბაკურიანში სახალხო დღესასწაული ‘ბაკურიანობა 2019’ აღინიშნა [R]

ღონისძიებებს სამცხე-ჯავახეთის რწმუნებული ბესიკ ამირანაშვილი, ბორჯომის მუნიციპალიტეტის მერი ლევან ლიპარტია, საკრებულოს თავმჯდომარე გიორგი გოგიჩაიშვილი სამხარეო ადმინისტრაციისა და ადგილობრივი თვითმმართველობის წარმომადგენლებთან ერთად დაესწრნენ.

პროფესიონალი და მოყვარული სპორტსმენები ერთმანეთს თხილამურებით სირბილში, გიგანტურ სლალომში და სნოუბორდში შეეჯიბრნენ. მათ შორის იყვნენ ადგილობრივი და ნინოწმინდელი სპორტსმენებიც.

გამარჯვებულები დღის ბოლოს კონცერზე დააჯილდოვეს. 100-ზე მეტ სპორტსმენს ხელმძღვანელმა პირებმა თასები, მედლები და სიგელები გადასცეს. ღონისძიებაზე გაიმართა ბაკურიანის ჰოკეისტთა გუნდის დაჯილდოებაც, რომლის წევრებმა მარტის თვეში ბათუმში ორ ასაკობრივ კატეგორიაში იასპარეზეს და საქართველოს ჩემპიონები გახდნენ.

ღონისძიება ბორჯომის მუნიციპალიტეტის მხარდაჭერითა და ადგილობრივების ჩართულობით გაიმართა.

,,ბაკურიანობა" ტრადიციულად ყოველ წელს აღინიშნება და წელს ის 38-ედ ჩატარდა.