სამცხე–ჯავახეთში საპენსიო სქემიდან გასვლაზე სააგენტოს 300–მდე პირმა მიმართა

საპენსიო სქემის დატოვება შეუძილია მხოლოდ იმ პირს, რომელიც 2018 წლის ექვს აგვისტოს უკვე იყო 40 ან მეტი წლის. თუ პიროვნებას 40 წელი 2018 წლის შვიდ აგვისტოს, ან შემდეგ შეუსრულდა, მას საპენსიო სქემიდან გამოსვლის უფლება აღარ აქვს.

განცხადების დაწერა კი შესაძლებელია სქემაში ჩართვიდან სამი თვის ათვლის შემდეგ. სამი თვის ათვლა კი იმ თარიღიდან იწყება, როდესაც ბუღალტერი ამა თუ იმ პირის პირველ საპენსიო შენატანს დააფიქსირებს და დეკლარაციას დახურავს. სქემის დატოვების შესახებ განცხადების დაწერის ვადა სქემაში ჩართვიდან ორი თვეა. თუ ამ ხნის განმავლობაში არ დატოვებს პირი სქემას, ის დარჩება დაგროვებითი საპენსიო სისტემის მონაწილედ და სქემიდან ვეღარ გავა.

განცხადების დაწერა შეუძლია მინდობილ პირს ნოტარიულად დამოწმებული მინდობილობის საფუძველზე. სქემის დატოვების შემდეგ, დაგროვილი თანხა დაუბრუნდება როგორც სახელმწიფოს, ისე დამსაქმებელსა და დასაქმებულს.

სქემიდან გასვლაზე განცხადების დაწერა შესაძლებელია სოციალური სააგენტოს ფილიალებში საქართველოს მასშტაბით, რეგისტრაციის ადგილის მიუხედავად.



ახალციხე – კეცხოველის ქ. N6
ტელ(0365) 22 01 40; 22 01 61; 22 07 30; 22 08 15

ადიგენი – არტემ ბალახაშვილის ქ. N19
ტელ:(0366) 29 12 49

ასპინძა – თამარის ქ. N3
ტელ:(0364) 29 12 63

ბორჯომი – მესხეთის ქ. N5
ტელ: (0365) 22 01 40; 22 07 30; 22 08 15

ახალქალაქი – მაშტოცის ქ. N64
ტელ: (0362) 22 29 66

ნინოწმინდა – პუშკინის ქ. N43
ტელ: (0361) 22 21 00; 22 27 13

დაგროვებითი საპენსიო სქემიდან გასულ მოქალაქეს აქვს საშულება ნებისმიერ დროს დაუბრუნდეს სქემა, თუმცა ასეთ შემთხვევაში მას სქემის დატოვების უფლება აღარ ექნება.

[მარიამ ბარძიმაძე, ახალციხე]