სამცხე-ჯავახეთში საპენსიო სისტემა ყველაზე მეტმა ადამიანმა ახალციხეში დატოვა

წინა წლის მონაცემების მიხედვით, რომელიც სოციალური მომსახურების სააგენტოს სამცხე-ჯავახეთის სამმართველოს უფროსმა მოგვაწოდა, ახალციხეში სისტემა 1 908 ადამიანმა დატოვა, ახალქალაქში 662-მა, ნინოწმინდაში 277-მა, ასპინძაში 206-მა, ადიგენში 318-მა ხოლო ბორჯომში 1366-მა.

ვინც სარგებლობს სქემის დატოვების უფლებით, ვალდებულია სამი თვის განმავლობაში სქემაში დარჩეს. თუმცა სამი თვის ვადის გასვლის შემდეგ მათ ეძლევათ კიდევ ორი თვე, რათა დაწერონ განცხადება დატოვების შესახებ. თუ ამ ხნის განმავლობაში არ დატოვებს პირი სქემას, ის დარჩება დაგროვებითი საპენსიო სისტემის მონაწილედ და სქემიდან ვეღარ გავა.

განცხადების დაწერა შეუძლია მინდობილ პირსაც, ნოტარიულად დამოწმებული მინდობილობის საფუძველზე. საქართველოში დაგროვებითი საპენსიო სისტემა 2019 წლის პირველი იანვრიდან ამოქმედდა.

[მარიამ ბარძიმაძე, ახალციხე]