საქართველოში ყველაზე სტაჟიანი ბორჯომელი რეინჯერი სამსახურიდან გააცილეს

დღეს, 31 მარტს, დაცული ტერიტორიების სააგენტოს წარმომადგენლებმა სარალიძე სამსახურიდან გააცილეს და მადლობის სიგელი გადასცეს.

მათი ინფორმაციით, სარალიძე 35 წლის განმავლობაში საქართველოს ბუნებას უწყვეტად იცავდა, მათ შორის ისეთ პერიოდებში, როდესაც შესაბამისი აღჭურვილობაც კი არ ჰქონდა.

მის მოვალეობაში კანონდარღვევების აღკვეთა, ცხოველების კვალის აღრიცხვა და გარემოს კონტროლი შედიოდა. ყოველი მორიგეობის დროს, რთული რელიეფიდან გამომდინარე 20 კმ-ს ფეხით ან ცხენით გადიოდა.

კუკური სარალიძის ბრაკონიერობის არაერთი ფაქტი აქვს გამოვლენილი და დაჯილდოვებული იყო დაცული ტერიტორიების დაცვასა და განვითარებაში შეტანილი განსაკუთრებული წვლილისთვის.

დაცული ტერიტორიების სააგენტომ კუკური სარალიძის საპატივცემულოდ, მის სამორიგეო ტერიტორიაზე - ქვაბისხევში მდებარე ტურისტულ თავშესაფარს - „კუკურის ქოხი“ ეწოდა.

ნახეთ "სამხრეთის კარიბჭეს" მიერ მომზადებული მასალა – ‘ირმების ოჯახსაც ვიცნობ, ვიცი სადაც ცხოვრობენ’ – ნაკრძალში გატარებული 35 წელი

[sknews.ge]