ახალციხეში დაკარგული ქალის გვამი მყვინთავებმა მდინარეში ნახეს

ელენა აკოფიანის გვამი მყვინთავებმა გუშინ, 30 მარტს იპოვნეს. „ბოლოს გვითხრეს ახლობლებმა, შეიძლება გვამი მდინარეში იყოსო. მყვინთავები თბილისიდან ჩავრთეთ და გუშინ, შუადღისკენ ვიპოვნეთ მდინარეში“, – განმარტავენ საგანგებო სიტუაციების მართვის საგენტოში.

აკოფიანი სახლიდან 22 მარტს, 05:00 საათზე გავიდა და მას შემდეგ აღარ დაბრუნებულა. ოჯახის წევრების ინფორმაციით, დაკარგულს ჯანმრთელობის პრობლემები არ ჰქონდა.

საქმეს შინაგან საქმეთა სამინისტრო სსკ 115-ე მუხლით იძიებს, რაც თვითმკვლელობამდე მიყვანას გულისხმობს.

[თაკო ფეიქრიშვილი, ახალციხე]