მოძრავი ტექდათვალიერების ცენტრი ახალქალაქიდან ახალციხეში ჩამოიტანეს

ტექდათვალიერების მეორე ცენტრი ახალციხეში, თამარაშვილის ქუჩაზე, ე.წ ივერიის ბინების მიმდებარედ ფუნქციონრებს. ცენტრი სამუშაო დღეებში 10:00 საათიდან 19:00 საათამდე, შაბათს კი 10:00 –დან 18:00 საათამდე მუშაობს.

ელექტრო მანქანისათვის აქ ტექდათვალიერების გავლა 48 ლარი ღირს, მსუბუქი მანქანისათვის 60 ლარი, ხოლო ყველა დანარჩენისთვის 100 ლარი.

„ჩვენს ცხელ ხაზზე შემოდის ზარები და იმის მიხედვით ვგეგმავთ სად განვათავსებთ მოძრავ ცენტრებს. ადგილმდებარეობაც ისეთი უნდა იყოს, რომ ინტერნეტთან გვქოდნეს წვდომა. ჯერ ჯერობით არ ვიცით კიდევ რომელ მუნიციპალიტეტებში გადავალთ“, – გვითხრეს კომპანიაში.

2019 წლის 14 იანვრიდან ტექნიკური ინსპექტირების გავლა ყველა სახის ავტომობილისთვის სავალდებულო გახდა. ამ პერიოდიდან დღემდე ახალციხის ტექინსპექტირების ცენტრში მანქანების რიგია.

[მარიამ ბარძიმაძე, ახალციხე]