ჯავახეთში ყარყატები და რუხი წეროები ნაადრევად დაბრუნდნენ [Photo]

რუხი წეროები ნინოწმინდასა და ახალქალაქში მაშინ მოფრინავენ როცა აქ ტბებზე ყინული დნება. ჯერ ჯავახეთის ტბებზე ყინული ისევაა, თუმცა წეროები უკვე დაბრუნდნენ.

რაც შეეხება „ჩაკლაკებს“, როგორც ადგილობრივები ამბობენ, ისინი მთელი ერთი თვით ადრე მოფრინდნენ. ახალქალაქსა და ნინოწმინდაში მცხოვრებლები მათი გამოჩენით იგებენ, ის წელი მათთვის როგორი იქნება.

„ბავშვობაში გვარწმუნებდნენ, რომ ჩვენთან ჩაკლაკები ძველით რვა მარტს თუ არ მოფრინდებოდნენ, ცხრაში მაინც აუცილებლად გამოჩნდებოდნენ, თანაც ყველა ელოდებოდა ნისკარტით როგორი ფერის ნაჭრებს მოიტანდნენ: თუ თეთრი ფერისას, მაშინ მშვიდობიანი და ბარაქიანი წელი იქნებოდა, თუ წითელს,მაშინ ომიანობა ან გვალვა იყო მოსალოდნელი და ყველა შეწუხდებოდა“, – ამბობს ადგილობრივი კუკური მეტრეველი და ამატებს, რომ ამ დრომდე შუაგულ ზამთარში ჯავახეთში ყარყატები არასდროს უნახავს.










[მარიამ ბარძიმაძე, ნინოწმინდა]