ექიმი გვირჩევს: სქოლიოზი [Video]

სქოლიოზის გამომწვევი მიზეზები:

► კუნთოვან-იოგოვანი უკმარისობა - ბავშვის სწრაფი ზრდისას კუნთოვანი კარკასი ვერ ეწევა ძვლებს, რაც ხერხემლის კუნთებისა და იოგოვანი აპარატის დასუსტებას განაპირობებს;
► ენდოკრინული ჯირკვლების დისფუნქცია - სქესობრივი მომწიფების ასაკში, როდესაც ორგანიზმში ხდება ჰორმონული ძვრები, მცირდება ძვლების სიმკვრივე, რაც არასწორი ფიზიკური დატვირთვის დროს ხერხემლის გამრუდებით სრულდება;
► ზურგისა და მუცლის კუნთების სისტემატური ცალმხრივი სტატიკური დატვირთვა. ასეთია, მაგალითად, პროფესიული და ფუნქციური სკოლიოზები, მათ შორის - სასკოლო სკოლიოზიც. დიდია მათ განვითარებაში კომპიუტერის როლი;
► პათოლოგიის ჩამოყალიბებაში დიდ როლს ასრულებს ბრტყელი ტერფი და ტერფის მაღალი თაღიც;
► არსებობს თანდაყოლილი სკოლიოზებიც, რომლებიც მუცლადყოფნის პერიოდში სხვადასხვა დარღვევითა და მემკვიდრეობითი ფაქტორებით არის განპირობებული.

სქოლიოზის ძირითადი სიმპტომებია:

► სწორად დგომისას მხრები სხვადასხვა დონეზეა;
► თავი არ არის სხეულის ცენტრში (შესაძლოა, სხვადასხვა დონეზე იყოს ყურები);
► ბარძაყები არ არის ერთ სიმაღლეზე;
► ხელების სიგრძე სხვადასხვაა;
► ზურგის ტკივილი;
► ფეხების ტკივილი;
► ნაწლავებისა და ნაღვლის ბუშტის მუშაობის რიტმის დარღვევა, რაც ხშირად კუჭ-ნაწლავის სისტემის პათოლოგიით მთავრდება;
► ფილტვების და გულის ფუნქციის დარღვევა.

სქოლიოზის პრევენციისათვის ექიმები გირჩევენ:

► ადრეული ასაკიდანვე დაუკვირდით ბავშვის ხერხემლის ფორმას და სიმეტრიებს;
► არ გამოგეპაროთ ბრტყელტერფიანობა და დროულად ჩაუტარეთ ბავშვს ტერფის კორექცია;
► კუნთებისა თუ სახსრების გახანგრძლივებული ან განმეორებითი ტკივილის დროს ჩაუტარეთ ულტრასონოგრაფიული კვლევა;
► სავალდებულოა ცურვა;
► ხშირად დაწექით მაგარ საწოლზე უბალიშოდ;
► ზურგჩანთა, რომელსაც ბავშვი ატარებს, არ უნდა აღემატებოდეს 2 კგ-ს;
► ბავშვებისთვის უნდა იქონიოთ ასაკის შესაფერისი ავეჯი.



[sknews.ge]