ექიმი გვირჩევს: ოსტეოართროზი [Video]

მთავარი → სიახლე, SK TV, ექიმი–რადიო 14.02.2019

რა არის ოსტეოართროზი და ვინ არიან დაავადების რისკ–ჯგუფებში, რა იწვევს ამ დაავადებას, რა სიმპტომებით ხასიათდება და რა გართულებები შეიძლება მოჰყვეს მას. ჩვენ შეკითხვებს ახალციხის რეფერალური ჰოსპიტალის ექიმი–რევმატოლოგი ქეთევან გვარამაძე პასუხობს.

ოსტეოართროზი – დაავადება, რომელსაც ახასიათებს სახსრების ანთებითი პროცესი.

დაავადების გამომწვევი მიზეზებია:

► მემკვიდრეობითი ფაქტორი;
► სახსრების ტრავმები;
► ხშირი ფიზიკური დატვირთვა;
► ორგანიზმის ინტოქსიკაცია;
► ენდოკრინული დარღვევების გამომწვევი დაავადებები;
► სახსრების დისპლაზია;
► სხეულის ჭარბი წონა;
► წვივების ვენების ვარიკოზული გაგანიერება.

დაავადების სიმპტომები:

► სახსრების ტკივილი, რომელიც ძლიერდება მოძრაობისა და ფიზიკური დატვირთვის დროს;
► სახსრის ხრტილის ქვეშ ძვლის ქსოვილის გამაგრება;
► დაზიანებული კიდურის დამოკლება;
► ძილის შემდეგ სიარულის გართულება, დაავადების პროგრესირების შედეგად;
► მოძრაობის დროს სახსრების ტკაცუნი და ჭრიალი.

დაავადების დიაგნოსტიკა:

► სისხლის საერთო ანალიზი;
► სახსრების რენტგენი;
► სახსრების მაგნიტო-რეზონანსული ტომოგრაფია;
► სახსრის სითხის ანალიზი.

მკურნალობის დაგვიანების შემთხვევაში, შესაძლოა, განვითარდეს შემდეგი სახის გართულებები:

► სახსრების დეფორმაცია;
► ოსტეოართრიტი;
► სახსრების ფუნქციის დარღვევა;
► სახსრების დესტრუქცია;
► ოსტეოპოროზი;
► ძვლების ხშირი მოტეხილობა.

დაავადების რისკ ჯგუფები:

► მემკვიდრეობითი მიდრეკილების მქონე ადამიანები;
► 60 წელს ზემოთ ადამიანები;
► ჭარბი წონის მქონე ადამიანები;
► ძირითადად მჯდომიარე ცხოვრების წესის მქონე ადამიანები;
► სპორტსმენები;
► სახსრების თანდაყოლილი დეფექტის მქონე ადამიანები;
► მძიმე ფიზიკური შრომის მქონე ადამიანები.

ოსტეოართროზისაგან თავის დასაზღვევად აუცილებელია:

► ორგანიზმის გასაჯანსაღებელი ფიზიკური ვარჯიშების შესრულება;
► სხეულის ნორმალური წონის ქონა;
► ერთი და იგივე პოზაში დიდხან ყოფნისგან თავის შეკავება;
► სიმძმის აწევის შეზღუდვა;
► მოსახერხებელი ფეხსაცმლის ტარება, რომლის ქუსლი არ აღემატება 3სმ-ს;
► ელასტიური ფიქსატორების ტარება;

[sknews.ge]