ჯემალ პაქსაძე: 'ინციდენტი ამოწურულია, შეთანხმებას მივაღწიეთ'

"ინციდენტი ამოწურულია, შეთანხმებას მივაღწიეთ. ჩვენ გვქონდა კონსტრუქციული და ძალიან კარგი საუბარი. დაკავებულებს ერთ საათში გაათავისუფლებენ. შეხვედრას ყველა რეგიონის მუფთი ესწრებოდა. შემოსავლების სამსახური ჩაუტარებს მინარეთს ექსპერტიზას და რა გადაწყვეტილებაც იქნება მიღებული იმისდამიხედვით სახელმწიფო თავისი ხარჯებით გააკეთებს მინარეთს",- ამბობს მუსლიმთა სამმართველოს მუფტი ჯემალ პაქსაძე.

მოლაპარაკებას რეიტენგრაციის საკითხებში სახელმწიფო მინისტრის აპარატის წარმომადგენელი ზვიად ზვიადაძეც ესწრებოდა.

მოეხსნებათ თუ არა ადმინისტრაციული ჯარიმა მუსლიმებს, ზვიადაძე ვერ აკონკრეტებს: "ამ საკითხში არ ვარ კომპეტენტური, ამას სასამართლო გადაწყვეტს".

შეგახსენებთ, მინარეთის უკანონოდ დადგმისთვის მუსლიმებს ადიგენის საკრებულომ 200-ლარიანი ჯარიმა დააკისრა.



[sknews.ge]