ნინოწმინდაში ორლოვკიდან სპასოვკამდე მისასვლელი გზა ჩაიკეტა

იმ პედაგოგებს, რომლებიც ორლოვკაში ცხოვრობენ, მაგრამ სპასოვკის სკოლაში მუშაობენ და პირიქით, სპასოვკაში ცხოვრობენ, მაგრამ ორლოვკის სკოლაში მუშაობენ, სამსახურებამდე მისვლა უჭირთ. ამიტომ სკოლებამდე ფეხით შემოვლითი გზით მიდიან.

ნინოწმინდის მერიაში გვითხრეს, რომ გზის ჩაკეტვის მიზეზი უამინდობაა და მუნიციპალიტეტის სოფლებში დიდთოვლობის გამო მსგავსი პრობლემები ხშირად იქმნება: „შეიძლება გაწმენდილი გზა ქარის გამო ორ წუთში ისევ ჩაიკეტოს. გვყავს კომპანია, რომელიც საკუთარ ტექნიკას ამუშავებს, და ამ წუთებშიც გაგზავნილი გვყავს ამ სოფლებში, რომ გზა გაწმინდოს“.

[მარიამ ბარძიმაძე, ნინოწმინდა]