უამინდობის გამო პატარა ხანჩალში გზა ჩაიკეტა

„გზის ჩაკეტვის შესახებ სოფლიდან ერთი საათის წინ [09:40] მივიღეთ შეტყობინება, გასაწმენდად ტრაქტორი გავუშვით“,-ამბობს ნინოწმინდის მერი ანივარდ მოსოიანი.

გარდა ამისა, საავტომობილო გზების დეპარტამენტის 31 იანვრის მონაცემებით, ახალქალაქი–კარწახის გზაზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. ფარავნის უღელტეხილზე კი დასაშვებია მხოლოდ მაღალი გამავლობის ტრანსპორტის მოძრაობა.

[მარიამ ბარძიმაძე, ნინოწმინდა]