‘მტკვარი ჰესი’ ექსპლუატაციაში 2020 წელს შევა

ამის შესახებ ეკონომიკისა და მდგრადი განვითარების მინისტრმა გიორგი ქობულიამ განაცხადა. მისი თქმით, იმ ათი ჰესის სიჯამური სიმძლავრე, რომლებმაც ფუქნციონირება წელს უნდა დაიწყონ, 94,8 მგვტ. იქნება: „ეს ენერგეტიკული პროექტები უკვე 2019 წელს მოგვცემს მნიშვნელოვან მომატებას ჩვენი გენერაციის და შეიტანს საგრძნობ წვლილს ჩვენი ქვეყნის ენერგეტიკულ უსაფრთხოებაში“.

„მტკვარი ჰესის“ ჯამური დადგმული სიმძლავრე 53 მგვტ-ია, რაც ქვეყნის ელექტრო სისტემას წლიურად 251.5 მლნ კვტ.სთ. ელექტოენერგიას შემატებს. მისი მშენებლობისთვის ქვეყანაში 131 მილიონი დოლარის ინვესტიცია ხორციელდება.

საქართველოს თანაინვესტირების ფონდმა 2014 წელს „მტკვარი ჰესის“ პროექტის 100% შეიძინა და სამუშაოები განაახლა. ფონდის ინფორმაციით პროექტი მომდანარე წყლის დღე-ღამურ რეგულირებას ითვალისწინებს, რაც წყლის დაგროვების და ჰირდო რესურსების ოპტიმალური გამოყენების საშუალებას იძლევა, შედეგად კი გარემოზე პროექტის უარყოფითი ზეგავლენა მინიმუმამდე მცირდება.

[თორნიკე ზაზაძე, ახალციხე]