როგორ უწყობს ხელს საქართველოს უნივერსიტეტი სტუდენტების დასაქმებას [R]

რას ვისწავლი? ვინ გამოვალ? სად დავსაქმდები? ეს სამი კითხვა საკუთარ თავს აუცილებლად უნდა დაუსვათ, თუ თვლით რომ წარმატება თქვენი ცხოვრების განუყოფელი ნაწილი უნდა გახდეს. თითოეულ საფეხურზე კი მნიშვნელოვანია სწორი არჩევანის გაკეთება, რომელიც განაპირობებს შემდგომ კარიერულ წარმატებას.

საქართველოს უნივერსიტეტი დასაქმებულ კურსდამთავრებულთა უმაღლესი სტატისტიკური მაჩვენებლით გამოირჩევა - 93% კურსდამთავრებულების დასაქმებულია.

შედეგი მარტივად მიღწევადი ნამდვილად არ ყოფილა, თუმცა დროში გაწერილი სწორი სტრატეგიითა და სწავლების დასავლური ხარისხით, ყველაფერი შესაძლებელი გახდა.

დასაქმების ხელშეწყობის ცენტრი, რომელიც საქართველოს უნივერსიტეტის ერთ-ერთი მნიშვნელოვანი და წარმატებული პროექტია, აქტიურად ზრუნავს სტუდენტების კარიერულ განვითარებაზე.

ჩვენ გირჩევთ, შენ საქმდები - სწორედ ასე ჟღერს საქართველოს უნივერსიტეტის დასაქმების ხელშეწყობის ცენტრის სლოგანი, რომლის მთავარი მიზანია ასწავლოს სტუდენტებს ყველაფერი დასაქმებისთვის. ცენტრი სტუდენტებს აწვდის ინფორმაციას პარტნიორ ორგანიზაციებში მიმდინარე ვაკანსიების შესახებ, ატარებს ტრენინგებს, სადაც შესაძლებელია CV-ისა და სამოტივაციო წერილის სწორად წერის ტექნიკის სწავლა პროფესიონალებისგან და სხვა. ასევე მართავს შეხვედრებს სხვადასხვა კომპანიიის HR-ებთან, რომლებიც აძლევენ რჩევებს სტუდენტებს კარიერული განვითარებისთვის.

სპეციალურად საქართველოს უნივერსიტეტის სტუდენტებისთვის გამართულ „დასაქმების ფორუმებზე“ კი კომპანიებს მიმდინარე ვაკანსიები აქვთ წარმოდგენელი და პოტენციური დამსაქმებლები თვითონ ხვდებიან სტუდნეტებს.

ამ ყველაფრის შედეგად საქართველოს უნივერსიტეტის სტუდენტები და კურსდამთავრებულები უკვე დასაქმებულები არიან, როგორც წამყვან კერძო კომპანიებში, ასევე სახელმწიფო სტაჟირების პროგრამის ფარგლებშიც.

საქართველოს უნივერსიტეტის ერთ-ერთი მესიჯი დასაქმებულ კურსდამთავრებულთა მაღალი მაჩვენებელია, თუმცა ხშირად ისმის კითხვა, რამდენად რეალურია ეს მაჩვენებელი და როგორია მისი გამოთვლის ფორმულა?

ფორმულა კი მარტივია: ყოველწლიურად დასაქმების ხელშეწყობის ცენტრი ატარებს გამოკითხვას - უკავშირდება კურსდამთავრებულებს და სატელეფონო ინტერვიუს მეშვეობით იღებს მათგან ინფორმაციას ამჟამინდელი სამსახურეობრივი მდგომარეობის შესახებ. რამდენიმე თვიანი კვლევის შემდეგ კი ყველა მაჩვენებელი ჯამდება და საბოლოოდ მიიღება, შედეგი: საქართველოს უნივერსიტეტის კურსდამთავრებულთა 93% დასაქმებულია.

თქვენ კი, თუ ჯერ კიდევ უსვამთ საკუთარ თავს ძირითად სამ კითხვას, მაშინ გახსოვდეთ რომ საქართველოს უნივერსიტეტში მიღებული დასავლური ხარისხის განათლება გაქცევთ პროფესიონალად, ხოლო დასაქმების ხელშეწყობის ცენტრი დაგეხმარებათ კარიერულ განვითარებაში.