ნიკო კეცხოველის პრემიის მოსაპოვებლად სამცხე–ჯავახეთიდან 10 სკოლა იბრძვის

ნახევარფინალურ ტურში ის სკოლები მიიღებენ მონაწილეობას, რომლებმაც 2 000 და მეტი ქულა დააგროვეს.

კონკურსის სლოგანია „აღმოაჩინე საქართველო“ – რაც გულისხმობს ჩვენი ქვეყნის ტყეების რეკრეაციული ღირებულების გამოყენებას და არსებული ეკოტურისტული მარშრუტების პოპულარიზაციას. კონკურსში მონაწილეობა სკოლებს ახალი ტურისტული მარშრუტების აღმოჩენისა და სათემო სერვისების განვითარებაში აქტიურად ჩართვის საშუალებასაც მისცემს.

წლევანდელ კონკურსზე მთელი საქართველოდან, მათ შორის ოკუპირებული აფხაზეთიდან, დარეგისტრირდა 500-ზე მეტი, როგორც საჯარო, ასევე კერძო, სკოლა. მოსწავლეები ფინალის საგზურების მოსაპოვებლად იბრძვიან.

კონკურსის ფინალი ტრადიციულად 21 მარტს, ტყის საერთაშორისო დღეს გაიმართება.



ადიგენი

ადიგენის მუნიციპალიტეტის სოფელ არლის საჯარო სკოლა–,,მწვანე გზა''/ The Green Way'' –27.200 ქულა;

ადიგენის მუნიციპალიტეტის სოფელ ლელოვანის საჯაროსკოლა – „თრიალა“– 19. 350 ქულა;

დაბა ადიგენის საჯარო სკოლა – 12.000 ქულა;

ადიგენის მუნიციპალიტეტის სოფელ უდის N2 საჯაროსკოლა – „მწვანე სიცოცხლე“ – 11.950 ქულა;

ადიგენის მუნიციპალიტეტის სოფელ ხევაშენის საჯაროსკოლა – „greenviwers Society“ – 2.450 ქულა;

ახალციხე

ახალციხის მუნიციპალიტეტის სოფელ ტყემლანის საჯაროსკოლა – "ფლორა"– 7.800 ქულა;

ქალაქ ახალციხის 1 საჯარო სკოლა – „ოაზისი“ – 2.100 ქულა;

ბორჯომი

ბორჯომის მუნიციპალიტეტის სოფელ ქვაბისხევის საჯაროსკოლა – „ოჩოპინტრე“ – 6.650 ქულა;

ბორჯომის მუნიციპალიტეტი სოფელ ანდეზიტის საჯარო სკოლა – „ბუნების ქომაგები“ – 5.900 ქულა;

ბორჯომის მუნიციპალიტეტის სოფელ ჭობისხევის საჯარო სკოლა – „ბერმუხა“ – 2.800 –ქულა;

შეგახსენებთ, რომ ნიკო კეცხოველის სასკოლო პრემია 2015 წლიდან ტარდება ავსტრიის თანამშრომლობა განვითარებისათვის ფინანსური მხარდაჭერით CENN-ის მიერ. კონკურსის თანაორგანიზატორები არიან გარემოს დაცვისა და სოფლის მეურნეობის სამინისტრო; განათლების, მეცნიერების, კულტურისა და სპორტის სამინისტრო და საქართველოს პარლამენტი.

[sknews.ge]