მინისტრი: აბასთუმნის განვითარების გენერალური გეგმა წელს მზად იქნება

თბილისის ტექნოპარკში გამართულ კონფერენციაზე მინისტრმა აბასთუმნის განვითარების გენერალური გეგმის შესახებ ისაუბრა. მაია ცქიტიშვილის თქმით, გეგმა მზად წელს იქნება.

"მსოფლიო ბანკის რეგიონული განვითარების პროგრამის ფარგლებში ხდება 40-ზე მეტი ისტორიული სახლის აღდგენა, ფასადების რეაბილიტაციას ვაკეთებთ, თუმცა ისევ და ისევ ადამიანებს, რომლებიც დღეს ამ სახლებში ცხოვრობენ, აქვთ შესაძლებლობა, მცირე ბიზნესი განავითარონ და უფრო მსხვილ ბიზნესს შეუძლია, გამოისყიდონ სახლები, შესთავაზონ პირობები და რა თქმა უნდა, ააშენონ ახალი სასტუმროები უკვე გენგეგმის შესაბამისად. მუნიციპალური განვითარების ფონდის სახით გვაქვს სახლების რეაბილიტაციის პროექტი, სრული აღდგენა ხორციელდება ჩვენი ისტორიული ობსერვატორიის, სადაც ტურისტული ინფრასტრუქტურა ეწყობა, მათ შორის კაფე, ხდება ტელესკოპის აღდგენაც და საბაგიროს აღდგენაც, რომელიც აბასთუმნიდან ადის ობსერვატორიამდე. ამას გარდა, მთლიანად კურორტზე წესრიგდება საინჟინრო კომუნიკაციები", - განაცხადა ცქიტიშვილმა.

[sknews.ge]