ახალციხის საკრებულომ 2019 წლის ბიუჯეტი დაამტკიცა

ახალციხის მუნიციპალიტეტის საკრებულომ, მომავალი წლის მთავარ ფინანსურ დოკუმენტს კენჭი 27 დეკემბერს უყარა. სხდომას 26 დეპუტატი ესწრებოდა, მათგან 24–მა მომავალი წლის ბიუჯეტს მხარი დაუჭირა, ერთი წინააღმდეგი იყო და ერთმა თავი შეიკავა.

ბიუჯეტის მიხედვით, მომავალი წლის მთავარი პრიორიტეტი, ინფრასტრუქტურული პროექტებია, რისთვისაც 5 300 000 ლარზე მეტი დაიხარჯება. ასევე, ერთ–ერთი მთავარი პრიორიტეტია განათლება და ამ მიმართულებით 3 400 000 ლარზე მეტი გაიწერა. მომავალ წელს ჯანმრთელობის დაცვისა და სოციალური უზრუნველყოფისათვის 1 100 000 ლარი დაიხარჯება. საკრებულოს სხდომაზევე, დეპუტატებმა 2019 წლის ბიუჯეტიდან სოციალური დახმარების გაცემის წესი დაამტკიცეს, სადაც თანხა უკვე მომავალი წლიდან აისახება.

მომავალი წლის ბიუჯეტი უკვე სამცხე–ჯავახეთის ყველა მუნიციპალიტეტმა დაამტკიცა.

[ლუბა გიორგაძე, ახალციხე]