შსს: ‘მეორე შახტაში’ მცხოვრები ბიზნესმენისგან 50 000 ლარის გამოძალვას ცდილობდა

უწყების ცნობით, დაკავებული ვ.კ. ახალციხეში ბიზნესმენ მ.მ.-ს მუქარის შემცველ წერილებს უგზავნიდა და მისგან თანხის მიღებას ცდილობდა.
„დაკავებული წარსულში ბიზნესმენთან მძღოლად მუშაობდა, ფლობდა ოჯახის წევრების შესახებ ინფორმაციას და ბიზნესმენს ახლობლების სიცოცხლის მოსპობით ემუქრებოდა“, – აცხადებენ შსს–ში.

იგი ვალეში, „მეორე შახტაში“ დღეს, 20 დეკემბერს შუადღეს დააკავეს. შუადღიდან მის სახლს სპეცრაზმი და სამართალდამცველები ჩხრეკდნენ. ბრალდებული 1961 წელსაა დაბადებული და იგი ვალეში მეღლესთან და შვილთან ერთად ცხოვრობდა.

გამოძიება სისხლის სამართლის კოდექსის 181-ე მუხლის მეორე ნაწილის გ ქვეპუნქტით მიმდინარეობს, რაც დიდი ოდენობით ქონების მიღების მიზნით გამოძალვას გულისხმობს.

[sknews.ge]