აწყურის ციხის პრობლემას სპეციალისტები სწავლობენ

სპეციალისტებმა რამდენიმე დღის წინ აწყურის ციხეზე არსებული სიტუაცია ადგილზე დაათვალიერეს.

„ჩამოსულები იყვნენ სპეციალისტები, მიმდინარეობს აწყურის ციხის დაზიანებული ნაწილის შესწავლა. სერიოზულადაა დაზიანებული, სამხრეთის მხარეს ირღვევა კედელი და ქვები ცვივა. დაგვპირდნენ, რომ ამაზე მუშაობას დაიწყებენ“, - ამბობს აწყურის ტერიტორიული ორგანოს რწმუნებული შუქრი გოგოლაძე.

მისივე თქმით, სპეციალისტები ადგილობრივი ხელისუფლების თხოვნით ჩამოვიდნენ.

„ურთულესი პრობლემაა, შემდეგ სპეციალისტები გადაწყვეტენ როდის დაიწყება და რა სამუშაოები ჩატარდება აწყურის ციხეზე“, - ამბობს ასწურის ტერიტორიული ორგანოს რწმუნებული.

[თამარ თოთაძე, ახალციხე]