ახალციხეში, N5 რაბათის უბანში ბათილი ბიულეტენების გამო ერთმანეთს სიტყვიერად დაუპირისპირდნენ [Video]

"ერთი ბიულეტენის ბათილობაზე დაობდნენ. ითხოვდნენ საოლქო საარჩევნო კომისიიდან ამოვსულიყავით. კომისიის წევრებს არაერთი ტრენინგი ქონდათ ჩატარებული იმისთვის, რომ მიეღოთ კანონის შესაბამისი გადაწყვეტილება. საბოლოოდ კომისიამ უყარა კენჭი ამ ბიულეტენებს და მიიღეს საბოლოო გადაწყვეტილება", – ამბობს N37 ახალციხის საოლქო საარჩევნო კომისიის თავმჯდომარე თეა გავაშელი.

N5 საარჩევნო უბნის კომისიის წევრი გაერთიანებული ოპოზიციიდან შუშანა კაჭკაჭიშვილი ამბობს, რომ საბოლოოდ დავა ორ ბიულეტენზე იყო, ერთი გრიგოლ ვაშაძის სასარგებლოდ გადაწყდა, მეორე კი გაბათილდა.

N5 საარჩევნო უბანზე ხმების უმრავლესობა გრიგოლ ვაშაძემ მიიღო – 328 ხმა, სალომე ზურაბიშვილმა კი 286 ხმა. 17 ბიულეტენი კი გაბათილდა.






[sknews.ge]