ახალქალაქში კუმურდოს საარჩევნო უბნიდან კომისიის წევრი გააძევეს [Video]

უბანზე ვითარება, დაახლოებით, 19:30 საათზე, მას შემდეგ დაიძაბა რაც კომისიის წევრმა „გაერთიანებული ოპოზიციიდან“ თამარ ჭანკოტაძემ განაცხადა, რომ იგი საარჩევნო ყუთთან უნდა დანჯდარიყო, მიუხედავად იმისა, რომ დილით წილისყრაში მონაწილეობა მიღებული არ ჰქონდა.

„საარჩევნო ყუთთან დავსვით, მაგრამ ნახევარ მეტრზე ახლოს დაჯდა, არ გვისმენს რომ ველაპარაკებით, პროვოკაციაზე მოდის და ხმაურს ქმნის უბანზე, ამიტომ პოლიციაში დავრეკე, მოვლენ ახლა სამართალდამცველები და გაიყვანენ“, – ამბობს უბნის თავმჯდომარე.

სამართალდამცველებსა და თამარ ჭანკოტაძეს შორის შელაპარაკება მოხდა. საბოლოოდ კომისიის წევრს უბანი დაატოვებინეს.



[sknews.ge]