ახალქალაქში N43 კოჩიოს საარჩევნო უბანზე ხმის მიცემა დარღვევებით მიმდინარეობს

კოჩიოს უბანზე, კენჭისყრის ოთახში ამომრჩევლები ისე შედიან, რომ მათ ლაზერს მარკირების შესამოწმებლად არავინ ანათებს. ასე უბანზე ხმა ათობით ამომრჩეველმა მისცა. მათ შორის, ერთ–ერთი იყო ისეთი, რომელსაც თან ორი პირადობის მოწმობა ჰქონდა, ვისი იყო მეორე პირადობა უცნობია, მან "სამხრეთის კარიბჭეს" არც ვინაობა გაუმხილა და არც პირადობები უჩვენა.





ამავე უბანზე იმყოფება არაუფლებამოსილი პირი მედერ ბალასანიანი, რომელიც ამბობს, რომ დამკვირვებელია, თუმცა ბეიჯი სახლში დარჩა.
უბანში შესვლა სცადეს ამომრჩევლებმა, რომლებსაც პირადობის მოწმობები არ ჰქონდათ, თუმცა არ დაუშვეს. ისინი უბნის გარეთ იცდიან და ფიქრობენ, რომ კენჭისყრის ოთხში მოგვიანებით შევლენ.




[sknews.ge]