დღეს თბილისში „რუსთავი2“-ის მხარდასაჭერად აქცია-კონცერტი გაიმართება

„რუსთავი2“-ის აქცია-კონცერტს სხვადასხვა პოლიტიკური პარტიისა და არასამთავრობო ორგანიზაციის წარმომადგენლები უერთდებიან.

“ევროპული საქართველოს” ახალციხის რაიონული ორგანიზაციის წარმომადგენლებმა, ადგილობრივებს ტელეკომპანია „რუსთავი 2“–ის აქცია–კონცერტზე მისასვლელად და მხარდასაჭერად საინფრომაციო აქცია 9 მარტს გამართეს. პარტიის წევრებმა, ახალციხის ცენტრალურ ქუჩაზე ადგილობრივებს ფლაერები დაურიგეს.

„ახალციხელები დავპატიჟეთ „რუსთავი2“–ის აქცია–კონცერტზე. ეს პატარა აქცია სწორედ ამას ემასახურებოდა. ვისაც სურვილი ექნება, შეუძლია წამოვიდეს. ჩვენ აუცილებლად წავალთ და მხარს დავუჭრთ „რუსთავი 2“, – განაცხადა „ევროპული საქართველოს“ წარმომადგენელმა ვაჟა ჩიტაშვილმა.

შეგახსენებთ, რომ 2 მარტს საქართველოს უზენაესი სასამართლოს დიდმა პალატამ რუსთავი 2-ის 100% ქიბარ ხალვაშს მიაკუთვნა.სტრასბურგის ადამიანის უფლებათა ევროპულმა სასამართლომ, უზენაესი სასამართლოს გადაწყვეტილების აღსრულება, "რუსთავი 2"-ის საქმეზე, უვადოდ შეაჩერა.

[sknews.ge]