გაზის ცენტრალური მილსადენის დაზიანების გამო, ბორჯომს ბუნებრივი აირი არ მიეწოდება

ტელეკომპანია ბორჯომის ფოტო

შემთხვევა ვაშლოვანის გზაზე, ჩარხისწყლის ხიდთან, დაახლოებით 09:20 საათზე მოხდა. გაზის კომპანიის ხელმძღვანელის ზვიად ნაკაიძის განმარტებით, ამ ეტაპზე, ბუნებრივი აირის გარეშე 6200 აბონენტია დარჩენილი.

„შეტყობინება უკვე გავაგზავნეთ ენერგეტიკისა და წყალმომარაგების მარეგულირებელი ეროვნულ კომისიაში. დაწყებულია აღდგენითი სამუშაოები, ვადა ხვალამდე გვაქვს, მაგრამ ვცდილობთ დღის ბოლომდე შევძლოთ დაზიანებული მილის აღდგენა“, – ამბობს ზვიად ნაკაიძე.

მისი თქმით, ცენტრალური გზა ჩამოყრილი ქვებისგან უკვე გაწმენდილია და გადადგილება შესაძლებელია.

[თინათინ ზაზაძე, ბორჯომი]