ახალქალაქის საოლქომ 16 საჩივრიდან 10 განუხილველი დატოვა

ახალქალაქის საოლქო საარჩევნო კომისიაში 11 საჩივარი „პატრიოტთა ალიანსმა" დაწერა, რომლებიც კენჭისყრის პროცედურის და კენჭისყრის შედეგების შეჯამების პროცედურის დარღვევებს ეხებოდა. 1– „გაერთიანებულმა დემოკრატებმა“, 2 – „სამართლიანმა არჩევნებმა“, 2 კი „მრავალეროვანმა საქართველომ“.

საოლქო საარჩევნო კომისიამ „პატრიოტთა ალიანსის“ 11 საჩივრიდან, 4 განუხილველი დატოვა, 7 არ დააკმაყოფილა.

„4 განუხილველი დავტოვეთ, დანარჩენი 7 ჩაითვალა უსაფუძვლოდ. რატომ იყო შესწორების ოქმებში განსხვავებული ბეჭედი დასმულიო. არ იცოდნენ, რომ ახალი საარჩევნო კოდექსით ოლქს უფლება აქვს დაიბაროს კომისია, ჩასწორების ოქმი მომდევნო დღეს გაკეთდე ს და საოლქოს ბეჭედი დაესვეს. რაც შეეხება განუხილველად დატოვებულ საჩივრებს ვადები იყო დარღვევული. ორ დღეში უნდა წარმოედგინათ.მათ კი 24–ში შემოიტანეს“, – ამბობს ახალქალაქის საოლქო საარჩევნო კომისიის თავმჯდომარის მოადგილემ პაატა ფანჯაკიძემ.

რაც შეეხება „სამართლიანი არჩევნების“ და „გაერთიანებული დემოკრატების“ საჩივრებს. როგორც ახალქალაქის საოლქო საარჩევნო კომისიის მდივანი განმარტავს, საჩივარი არაუფლებამოსილმა პირებმა შეიტანეს საოლქო საარჩევნო კომისიაში, ამიტომ აღნიშნული საჩივრები არ განუხილავთ.

“გაერთიანებული დემოკრატები“ N40 და N45 უბნებზე ბიულეტენების ხელახლა გადათვლას ითხოვდნენ, საჩივარი შემოიტანა ბლოკის ხელმძღვანელმა, ეს იყო არაუფლებამოსილი პირი. „სამართლიანი არჩევნებიდან“ საჩივარი დამკვირვებელს ქონდა შემოტანილი, რის უფლებაც არ ქონდა. საჩივრით მის ორგანიზაციას უნდა მოემართა, შესაბამისად არცერთი მათგანი არ განვიხილეთ“, –განმარტავს ახალქალაქის საოლქო საარჩევნო კომისიის მდივანი ზურიკო მელიქიძე.

რაც შეეხება „მრავალეროვანი საქართველოს“ საჩივარს, რომელიც N53 და N54 უბნებზე შემაჯამებელ ოქმებში გადასწორებას ეხებოდა, კომისიის თავმჯდომარეებს და მდივნებს გაფრთხილება მიეცათ.

[თინათინ ზაზაძე, ახალქალქი]