‘ვანო რომ უდელი არ იყოს, აქაც ზურაბიშვილი გაიმარჯვებდა’ – უდე მეორე ტურამდე [Video]

მას შემდეგ რაც „ნაციონალური მოძრაობა“ გაიყო და პარტიიდან გასული წევრების ნაწილმა ახალი პარტია „ევროპული საქართველო“ შექმნა, არავინ იცის მერაბიშვილი რომელი მათგანის მხარდამჭერია. მან ციხიდან მხოლოდ ის განაცხადა, რომ ეს პარტიები ცალ–ცალკე ვერ წარმოუდგენია და მათ გაერთიანებისკენ მოუწოდა. მიუხედავად ამისა, სოფელმა მერაბიშვილი „ნაციონალური მოძრაობის“ მხარდამჭერად მიიჩნია და ხმა მის საპრეზიდენტო კანდიდატსაც მერაბიშვილის სიყვარულით მისცა.

რა გეგმები აქვს მეორე ტურამდე წაგებულ საარჩევნო უბნებზე მმართველ გუნდს უცნობია, საარჩევნო შტაბის ხელმძღვანელებს ვერ დავუკავშირდით. მოსალოდნელ შედეგებზე წინასწარ პროგნოზის გაკეთება უჭირთ ადგილბორივებსაც. პირველ ტურში კი ორი საარჩევნო უბნიდან ერთზე ვაშაძემ ზურაბიშვილს 39, ხოლო მეორეზე 82 ხმით მოუგო.

არჩევნების მეორე ტურში ერთმანეთს ზურაბიშვილი და ვაშაძე შეხვდებიან. ვანო მერაბიშვილმა მეგობარ ვაშაძეს მეორე ტურში გასვლა ციხიდან უკვე მიულოცა და წარმატებებიც უსურვა.





[ლუბა გიორგაძე, ნანა ინასარიძე – ადიგენი]