'თავდასხმას ენზელ მკოიანის ძმა ხელმძღვანელობდა' – გიორგი ვაშაძე

"ეს პიროვნება იდენტიფიცირებულია და ასევე მიმდინარეობს ჩვენი მხრიდან სხვა თავდამსხმელების იდენტიფიცირება. ჩვენი ინფორმაციით, 20-მდე ადამიანი დაესხა შტაბს თავს. ხელკეტებით იყვნენ შეიარაღებულები და სასტიკად არიან ნაცემები. ასევე, ჩვენი ინფორმაციით აბრაჰამ აბრაამიანი შეიძლება გადმოიყვანონ თბილისში იმდენად მძიმე ტრამვები აქვს,“ - ამბობს ვაშაძე რუსთავი 2–თან.

ვაშაძე შსს-ს მიმართავს და საქმის დროული გამოძიებისკენ მოუწოდებს: „მე მინდა მივმართო შსს-ს, პირველ რიგში, მადლობა ვუთხრა, ძალიან ბევრ ღირსეულ პოლიციელს, რომელმაც უარი თქვა პირდაპირი პოლიტიკური დავალებების შესრულებაზე არჩევნების დღეს და აქვე მინდა მივმართო, რომ ხალხო, ეს არის პირდაპირი უკანონობა. მოვითხოვთ, რომ დაუყოვნებლივ დაკავებული იქნას არტურ მკოიანის, ენზელ მკოიანის, თქვენი მაჟორიტარი დეპუტატის ძმა. ასევე, მივმართავ შსს-ს თანამშრომლებს, რომ ნუ შეასრულებთ უკანონო დავალებებს, რომლებსაც თქვენ ალბათ, ახლაც გაძლევენ და პირდაპირ, ბატონ გახარიას მინდა მივმართო, რომ თქვენ ხართ პასუხისმგებელი იმაზე, რომ მოხდება რეაგირება ამ ფაქტთან დაკავშირებით,“ - განაცხადა ვაშაძემ.

ახალქალაქში ოპოზიციის ოთხ წევრს საპრეზიდენტო კანდიდატის საარჩევნო შტაბში ფიზიკურად გაუსწორდნენ. დაშავებული სასწრაფო სამედიცინო დახმარების ბრიგადებმა კლინიკაში გადაიყვანეს.

[sknews.ge]