როგორ აღნიშნეს 'შემოდგომის ფესტივალი' ახალციხეში [photo\video]

ზედა ციხის მიმდებარე ტერიტორია დღეს, 20 ოქტომბერს დილიდან საზეიმოდ იყო მორთული. ახალციხის მუნიციპალიტეტის სოფლებიდან ჩამოსული ადგილობრივები, სტუმრებისთვის მესხურ კერძებს ამზადებდნენ. კერძების დაგემოვნებასთან ერთად სტუმრებს შეეძლოთ ადგილობრივი ფოლკლორული და ქორეოგრაფიული ანსამბლების კონცერისთვის ეყურებინათ.

„ჩვენ ღრელიდან ვართ, მოვამზადეთ ხაჭაპური, ყველის ხინკალი, მწვადი, ლუხუმი და ბიში. ყველას შეუძლია მესხური კერძების დაგემოვნება “,–ამბობს სოფელი ღრელის წარმომაგდნელი ნელი იაძე.

პამაჯიდან ჩამოვიდა ფესტივალში მონაწილეობის მისაღებად გუარა მალასანიანი: „ეს პავილიონი პატარა და დიდ პამაჯს, ასევე საძელს და ყულალისს ეკუთვნის. ჩვენ თათარბერაგს ვაკეთებთ“.



შემოდგომის ფესტივალზე ხალხური რეწვის ოსტატებს საკუთარი ნამუშევრებიც ქონდათ გამოფენილი.

„ახალციხის დედათა მონასტრიდან ვართ. ნაქარგები გვაქვს გამოტანილი. ჩვენი ხელით არის შექმნილი. ასევე გვაქვს თაფლი, ჯემები, სანთლები და ფიჭა“,–ამბობს ახალციხის დედათა მონასტრის მორჩილმი მარიამი.

ფესტივალზე საკუთარი ნამუშევრები გამოფინა მაია მაისურაძემაც.

„თექის ნამუშევრები და ბისერისგან გაკეთებული სურათები მაქვს გამოტანილი ფესტივალზე. ბავშვობიდან ვაკეთებ და ეს ჩემი შემოსავლის წყაროა“,–ამბობს მაია.
შემოდგომის ფესტივალში მონაწილეობა მიიღო ახალციხის სამხატვრო სკოლამაც.

„ზეთსა და გუაშში შესრულებლი ნამუშევრებია, რომლებიც ჩვენი სკოლის მოსწავლეებმა შექმნეს. ძირითადად შემოდგომის თემაზე“,–ამბობს ახაციხის სამხატვრო სკოლის პედაგოგი თამარ თამარაძე.

გამოფენა–გაყიდვის პარალელურად ახალგაზრდები ერთმანეთს სპორტის ოთხ სახეობაში ეჯიბრებოდნენ. ჭიდაობაში, მკლავჭიდში, კარატესა და ძალისმიერ სამჭიდში. გამარჯვებულებს ახალციხის მერიის კულტურის სამსახურმა სერთიფიკატები და მედლები გადასცა.

„ერთი წელია რაც კარატით ვარ დაინტერესებული, დღეს საჩვენებელ გამოსვლაში კარიმიტები და აგურები დავამტვრიე“, – ამბობს კარატისტი ირაკლი ინასარიძე.

სპორტულ შეჯიბრებაში პირველად მიიღო მონაწილეობა გვანცა პარუნაშვლმა: „ორი წელია რაც კარატეზე დავდივარ. ძალიან მომწონს. დღეს ფესტივალზე რამდენიმე საინტერესო ილეთი ვაჩვენე“.

კარატის საჩვენებელი გამოსვლის პარალელურად მიმდინარეობდა შეჯიბრი ჭიდაობაშიც.

„ხშირად ვიღებ მსგავს ღონისძიებებში მონაწილეობას ეს კარგია ჩვენი განვითარებისთვის“, – ამბობს მოჭიდავე ბადრი ფილიშვილი.

შემოდგომის ფესტივალი, რომელიც ახალციხის მერიის ორგანიზებით წელს პირველად ჩატარდა, 12:00 საათზე დაიწყო და ხუთი საათის განმავლობაში მიმდინარეობდა. ღონისძიება ანსამბლი „ივერიის“ კონცერტით დასრულდა.

















[მარიამ ბარძიმაძე, თორნიკე ზაზაძე, ნანა ინასარიძე–ახალციხე]