სან დიეგოს უნივერსიტეტში სამცხე–ჯავახეთის სკოლებიდან ექვსი აბიტურიენტი ჩაირიცხა

ექვსი სტუდენტიდან სამი, ხატია თელიაშვილი, მარიამ მერაბიშვილი და ნათია ხითაროვი, ქალაქ ვალის პირველ საჯარო სკოლაში სწავლობდა. სამივე მათგანმა სანდიეგოს უნივერსიტეტში ბიო ქიმიის ფაკულტეტზე ჩააბარა.



ხატია თელიაშვილმა სკოლა ოქროს მედალზე დაამთავრა: „ამისთვის ძალიან ბევრი ვიშრომე. თავიდან სამედიცინო უნივერსიტეტში ჩაბარება მინდოდა, თუმცა მას შემდეგ, რაც სანდიეგოს უნივერსიტეტის შესახებ გავიგე, გადაწყვეტილება შევიცვალე. აქ სწავლება ინგლისურ ენაზეა და ძალიან კარგ განათლებას მივიღებ. მინდა, რომ მომავალში რომელიმე დიდ ლაბორატორიაში ვიმუშაო“.




მარიამ მერაბიშვილ ამბობს, რომ ქიმია ყოველთვის აინტერესებდა: „ამ საგნის სწავლა მერვე კლასში დავიწყე და ძალიან შემიყვარდა. ყველაფერი მაინტერესებს რაც ქიმიასთან კავშირშია. ფაკულტეტიც ამის მიხედვით შევარჩიე. სიმღერაც ძალიან მიყვარს, მაგრამ ახლა ამისთვის აღარ მცალია. ძლიან მინდა, რომ კარგად ვისწავლო და კარგი მეცნიერი ვიყო“.



ისევე როგორც მარიამს, ნათია ხითაროვსაც „ყველაფერი რაც ქიმიასთან კავშირშია“ ბავშვობიდან აინტერესებდა: „ალბათ იმიტომ რომ დედა ქიმიკოსია, ბებია ბოტანიკოსია, და დეიდა ექიმი. მეც ამ სფეროების მომიჯნავე სპეციალობა ავირჩიე. ვცდილობ ჩემი შესაძლებლობები მაქსიმალურად გამოვიყენო. წარმატებას შრომა სჭირდება. მეტი დრო რომ მქონდეს, ამისთვის ცეკვაზე უარი ვთქვი, არადა 2010 წელს ჩემი დადგმული ნომრით „ნიჭიერშიც“ მივიღე მონაწილეობა. აქ რომ დავამთავრებ სწავლას, მინდა რომ გაცვლითი პროგრამით სწავლა ამერიკაში, კალიფორნიის შტატში გავაგრძელო“.



ახალციხის მეექვსე საჯარო სკოლის მოსწავლემ ამირან ჯანაშვილმა სამოქალაქო ინჟინერიის ფაკულტეტზე ჩააბარა: „სამშენებლო სფეროში ძალიან მძიმე მდგომარეობაა, მინდა, რომ კარაგად ვისწავლო და ამ მიმართულებით ბევრი რამ შევცვალო. ძალიან მიყვარს ლაშქრობებზე სიარული, კლდეზე ცოცვა და ფოტოების გადაღება. მიუხედავად იმისა, რომ დატვირთული ვარ, მაინც ყოველთვის ვახერხებ იმის გაკეთებას რაც მიყვარს“.



არლის საჯარო სკოლის მოსწავლე გიორგი ვარდიძე კომპიუტერული ინჟინერიის ფაკულტეტის სტუდენტი გახდა: „დღეს ყველაფერი კომპიუტერზეა დამოკიდებული და ეს პროფესია ამიტომ ავირჩიეა. სან–დიეგოს უნივერსიტეტში სწავლა ინგლისურ ენაზეა და ვფიქრობ, ცოტა გამიჭირდება, მაგრამ დავძლევ. მინდა, რომ მომავალში ამერიკაშვი წავიდე და ჩემი პროფესიით რომელიმე დიდ კომპანიაში ვიმუშაო“.



ახალქალაქის მესამე საჯარო სკოლის მოსწავლემ გივი ვახტანგიშვილმა კომპიუტერულ მეცნიერებების ფაკლტეტზე ჩააბარა: „ვერ ვიტყვი, რომ სკოლაში კარგი განათლება მივიღე. დარწმუნებული ვარ, რომ სან–დიეგოს უნივერსიტეტში ასე არ იქნება. სასწავლებლის დამთავრების შემდეგ მინდა, რომ შევქმნა საკუთარი დეველოპერული კომპანია, სადაც მაგალითად საიტებს ავაწყობ“.

[მარიამ ბარძიმაძე, ახალციხე]