სამცხე–ჯავახეთში ბავშვებს სისხლში ტყვიის შემცველობაზე იკვლევენ

დღეს, 28 სეტქემბერს, სამცხე–ჯავახეთის ადმინისტრაციულ შენობაში საქსტატის მიერ დაწყებული კვლევის შესახებ საინფრომაციო შეხვედრა გაიმართა. შეხვედრას ადგილობრივი თვითმმართველობის და არასამთავრობო ორგანიზაციების წარმომადგენლები, ასევე, მოქალაქეები ესწრებოდნენ.

„დეკემბრის ბოლომდე ივლიან ინტერვიუერები ოჯახებში და შეაგროვებენ მონაცემებს. კითხვარები იქნება კაცებისთვის, ქალებისთვის, ასევე, 5 წლამდე ბავშვებისათვის და 5–დან–17–წლამდე მოზარდებისთვის. ასევე, კვლევის ფარგლებში 5–წლამდე ასაკის ყველა ბავშვი სიმაღლესა და წონაში გაიზომება, რათა დადგინდეს რამდენად შეესაბამება მათი ზრდა– განვითარება დადგენილ სტანდარტებს. გაიზომება, სისხლში ტყვიისა და წყლის შემცველობაც“, – ამბობს გაეროს ბავშვთა ფონდის წარმომადგენელი ნინო ძოწენიძე.

მრავალინდიკატორულ პლასტერულ კვლევას საქართველოს ეროვნული სტატისტიკის სამსახური გაეროს ბავშვთა ფონდის (UNISEF)-ის ტექნიკური და ფინანსური მხარდაჭერით ახორციელებს.

ფონდის ინფორმაციით ინტერვიუერები გადამზადებულები არიან და მათ კვლევის ჩასატარებლად ყველა საჭირო ინვენტარი აქვთ: „მათ თან აქვსთ ყოველგვარი აღჭურვილობა სინჯები, საზომები, სასწორი, წყლის ტესტი, სისხლის ასაღები. აღჭირვილობა და ა.შ".

კვლევა 20 სექტემბერს დაიწყო და 20 დეკემბერს დასრულდება. აღნიშნული კვლევა მთელს მსოფლიოში ჩატარდა.



[მარიამ ბარძიმაძე, ახალციხე]