ახალციხის ბაზარზე "მედიქსი" სასიამოვნო სიახლით შემოვიდა. მისი გუნდი უკვე მესამე თვეა მომხმარებელს ლაზერული ეპილაციისა და სტომატოლოგიური მიმართულებით ემსახურება. აქ დაცულია ყველა სტანდარტი, არის ახალი ტექნოლოგიები, მაღალი ხარისხი და სასიამოვნო გარემო.
ცენტრში ლაზეროთერაპია უახლესი, 2018 წლის აპარატით, გერმანული ხარისხითა და ინოვაციური ტექნოლოგიით ხორციელდება, რომელიც უზრუნველყოფს სამი სხივის ალექსანდრიტის, დიოდისა და ნეოდიუმის გაერთიანებას. მომხმარებლის მეტი კომფორტისათვის კი, უახლესი, მოყინვითი ტექნოლოგიის წყალობით შეგრძნებები მინიმუმამდეა დაყვანილი, რაც პროცედურას უმტკივნეულოს, უსაფრთხოსა და სასიამოვნოს ხდის.
„საუკეთესო შედეგის მისაღებად მნიშვნელოვანია გვახსოვდეს, რომ პროცედურებს შორის ინტერვალი 21 დღეა, რაც განპირობებულია თმის ზრდის ციკლით და ამ ვადის დაცვის შემთხვევაში, თმის მოცილება გაცილებით ნაკლებ დროში ხდება", - ამბობს "მედიქსის" ლაზეროთერაპევტი მარიკა გელაშვილი.
აღნიშნული კომბინირებული ტექნოლოგია ამ ეტაპზე ახალციხეში მხოლოდ "მედიქსშია" წარმოდგენილი. კლინიკა ცდილობს მომხმარებელს შესთავაზოს ბაზარზე გაბატონებულ ფასებთან შედარებით დაბალი ფასი, რაც კიდევ ერთხელ ხაზს უსვამს მის მზაობას იყოს მაქსიმალურად ხელმისაწვდომი. ამის ნათელი მაგალითია, სტუდენტებისათვის ლაზერული ეპილაციის პროცედურებზე მუდმივი 15% იანი ფასდაკლება.
რაც შეეხება სტომატოლოგიას, "მედიქსში" დღეს უკვე მიიღებთ ისეთ სერვისებს, როგორიც არის კბილების ენდოდონტიური მკურნალობა, კბილის რესტავრაცია, როგორც სტანდარტული ასევე მხატვრული. კბილის ამოღება, ამბულატორიული ქირურგია და კბილების დამუშავება. პროთეზირება, იმპლანტაცია და კბილების გასწორება ბრეკეტის მეშვეობით.
პროცესის ეფექტურობას უზრუნველყოფს ევროპული ხარისხის რენტგენ ვიზიოგრაფი, რისი საშუალებითაც ხდება არხის სიგრძისა თუ ყბის პათოლოგიის დადგენა, რაც უზრუნველყოფს მაღალი სირთულის სტომატულოგიური მკურნალობის ხარისხიანად შესრულებას.
რაც შეეხება ორთოპედიას, აქ ზედა და ქვედა მოსაყდრე ყბის პროთეზები, მეტალო კერამიკის ხიდები, კერამიკის და კომპოზიტიური შერევის შედეგად შექმნილი გვირგვინი კეთდება.
დამატებით, მედიქსის სტომატოლოგიურ კაბინეტში კბილებზე მაგარ და რბილ ნადებს უახლესი ულტრაბგერითი, სკალერის აპარატით მოგაშორებენ.
"მედიქსში" ნებისმიერი ტექნიკა უახლესი ტექნოლოგიის ნაწილია, რომ არაფერი ვთქვათ შიდა სასტერილიზაციო თუ ვიზიო სტანდარტებზე, რომელიც კლინიკისთვის ჩვეული ხარისხია.
„მედიქსის" მზაობა იყოს საუკეთესო ბაზარზე მის მიერ ექიმების შერჩევაშიც გამოიხატება. სტომატოლოგების შერჩევისას ყურადღება ექცევა ექიმის განათლებას, კვალიფიკაციას, იმას თუ რამდენად აქვს მზაობა მუდმივად ეცნობოდეს სპეციალიზებულ ვებ–გვერდებზე გამოქვეყნებულ სიახლეებს, ესწრებოდეს სტომატოლოგიურ თემებზე კონფერენციებს, გამოფენებს, ასევე, გადიოდეს გადამზადების კურსებს, რაც უზრუნველყოფს სერვისის მიწოდების მაღალ ხარისხს. საამაყოა, რომ ასეთი ექიმები სოფიო საანიშვილი და ნიკა ვაშაყმაძე შემოუერთდნენ ჩვენ გუნდს“, – ამბობს კლინიკის დამფუძნებელი დავით პარუნაშვილი.
კლინიკა სიახლეებს სტომატოლოგიურ და ესთეტიური მიმართულებითაც გვპირდება. უახლოეს მომავალში აპირებს კბილების გათეთრების ახალი ტექნოლოგია დანერგოს, რაც ემალის გათეთრებას, ლაზერული აპარატის მეშვეობით გულისხმობს.
სასიამონვო სიახლე იქნება გარუჯვის მოყვარულთათვისაც. კლინიკა ამ ეტაპზე მოლაპარაკებას აწარმოებს და ძალიან მალე, რეგიონის მაცხოვრებლებს საუკეთესო ხარისხის სოლარიუმის აპარატით გაანებივრებს.