ასპინძაში ნაგვის ახალი ურნები დადგეს

შპს „ასპინძის კეთილმოწყობის“ სამსახურის უფროსის ნოდარ გვარამაძის თქმით, 100 ახალი ურნიდან 30 დაბაში უკვე დადგეს: „ცენტრალურ ქუჩებზე ძველი ურნები ჩავანაცვლეთ, დანარჩენსაც ეტაპობრივად განვათავსებთ“.

ამ დრომდე ასპინძის მუნიციპალიტეტში 180 ნაგვის ურნა იდგა. როგორც გვარამაძე ამბობს, მათ შორის, დაახლოებით, 30 ჩამოსაწერია: „სოფლებში ძველ ურნებს ავიღებთ და იმათ დავდგამთ, რომლებიც აქამდე დაბაში გვედგა“.

რეგიონული განვითარებისა და ინფრასტრუქტურის სამინისტროს მყარი ნარჩენების მართვის კომპანია სამცხე-ჯავახეთს ევროსტანდარტების შესაბამის 1100 ურნას გადასცემს.

[sknews.ge]