უნარების გამოცდაზე ორი აბიტურიენტი პირადობის მოწმობის გარეშე მივიდა

პირველ სესიაზე ის აბიტურიენტი, რომელსაც პირადობის მოწმობის მიტანა დაავიწყდა, გამოცდაზე სპეციალური ფორმის შევსების შემდეგ დაუშვეს: „ასეთი შემთხვევებისთვის სპეციალური ფორმები გვაქვს, აბიტურიენტი იმას შეავსებს, შემდეგ გადავამოწმებთ და გამოცდაზე ვუშვებთ“, – ამბობს ახალციხის საგამოცდო ცენტრის ხელმძღვანელი გელა ინასარიძე.

მისივე თქმით, ის აბიტურიენტი გამოცდიდან გამოსვლის შემდეგ შეუძლოდ გახდა: „დახმარება საგამოცდო ცენტრთან მდგომმა სასწრაფომ აღმოუჩინა“.

პირადობის დამადასტურებელი მოწმობის მიტანა დაავიყწდა კიდევ ერთ აბიტურიენტს მეორე სესიაზეც, თუმცა, მან სარეგისტრაციო დორის ამოწურვამდე საგამოცდო ცენტრში პირადობის მიტანა მოასწრო.

გამოცდიდან გამოსული აბიტურიენტების ნაწილი ამბობს, რომ ტესტი მარტივი იყო, ნაწილისთვის კი მათემატიკური ნაწილი რთული აღმოჩნდა.

ხვალ, 7 ივლისს გამოცდა ისევ ზოგად უნარებში ჩატარდება. გამოცდის ხანგრძლივობა კვლავ 3 საათი და 10 წუთი იქნება. ვერბალურ და მათემატიკურ ნაწილს თანაბარი დრო, საათი და 35 წუთი დაეთმობა.

[თორნიკე ზაზაძე, ახალციხე]