ცოლის მუქარაში ბრალდებულის საქმე – რა წერია ფსიქოლოგიური ექსპერტიზის დასკვნაში

ახალციხის რაიონულ სასამართლოს ჩვენება იმ გამომძიებელმა მისცა, რომელმაც ქალის პროკურატურაში ჩივილის შემდეგ მასალები ფსიქოლოგიური ექსპერტიზისთვის სამხარაულის ეროვნულ ბიუროში გადააგზავნა.

„როცა საქმეს ოჯახური ძალადობის მუხლით იძიებენ, ასეთი ექსპერტიზა ყოველთვის ინიშნება. დასკვნის მიხედვით დგინდება, რომ 27 წლის კაცი ცოლზე ფსიქოლოგიურად ძალადობდა“, – ამბობს ბრალდებულის ადვოკატი ნუგზარ სამარჯიშვილი.

მისი თქმით, ექსპერტიზაზე გამომძიებელმა მხოლოდ ცოლის ჩვენება გადააგზავნა: „როცა ამ ქალმა იჩივლა და საგამოძიებო უწყებას ჩვენება მისცა, გამომძიებელმა ფსიქოლოგიურ ექსპერტიზაზე მხოლოდ მისი ჩვენება გადააგზავნა, აქ ბრალდებულის პოზიცია არ გაუთვალისწინებიათ. შესაბამისად დასკვნაც მხოლოდ ამ ჩვენების მიხედვით დაიწერა“.

ის რომ ექსპერტიზაზე მხოლოდ ცოლის ჩვენება გადაიგზავნა სასამართლო დარბაზში ექსპერტმაც დაადასტურა. დღვანდელ სხდომაზე მხოლოდ ერთი მოწმე დაიკითხა.

შეგახსენებთ, რომ 27 წლის კაცი, რომელსაც სასამართლომ ცოლის ქამრით ცემისთვის ერთწლიანი პირობითი მსჯავრი შეუფარდა, საპატიმროს დატოვებიდან თვენახევარში ცოლის მუქარისთვის ისევ დაიჭირეს. თუმცა, ის სასამართლო დარბაზიდან მეორედაც გაათავისუფლეს, მას გირაო 5 000 ლარი შეეფარდა.

[ლუბა გიორგაძე, ახალციხე]