ბორჯომის ცენტრალურ პარკში ქართული ანბანი განთავსდა

ქართული ანბანის ნუსხურ და მხედრულ ასოებთან ერთად, მცირე ბანერებზე მათი რუსული და ინგლისური შესატყვისებიც დატანილია.

ბორჯომის ცენტრალური პარკის ადმინისტრაციის განმარტებით, ამ გზით, ქართული დამწერლობა უფრო მეტად ადვილი და საინტერესოდ აღსაქმელი იქნება პარკის ვიზიტორებისა და სტუმრებისათვის.

ქართლის ცხოვრების თანახმად, ქართული ანბანური დამწერლობა იბერიის პირველმა მეფემ, ფარნავაზმა შექმნა.

ქართული დამწელობა შედგება სამი ისტორიული სახისაგან, სისტემისაგან: ასომთავრული (ხუცური ასომთავრული, მრგვლოვანი, მთავრული), ნუსხური (ხუცური, ნუსხა-ხუცური, კუთხოვანი) და მხედრული. თითოეულ მათგანს თავისი გრაფიკული დამახასიათებელი სტილი აქვს, მაგრამ ასოთა მოხაზულობათა ცვალებადობის თვალსაზრისით ნუსხური დამწერლობა ასომთავრულის განვითარების შედეგია, ხოლო მხედრული — ნუსხურისა.







[sknews.ge]