დაჩი გრძელიშვილი - მთავრობავ, გააკეთე რა, შენი საქმე

"ჩვენ დავიღალეთ. - ვინ და უბრალო ადამიანები. ვისაც სამოქალაქო აქტივობა (ხალხში გამოჩენა, საზოგადოებრივ ჩეკზე აზრის ამორტყმა, რამე, რუმე...) არ სჭირდება დივიდენდების მოსაგროვებლად. ვისაც არც ძველი მთავრობის წასვლა დადარდებია და არც ახლის მოსვლით მოელის გამორჩენას. ვისაც, უბრალოდ, თავისუფლად და თავისთვის ცხოვრება უნდა. შრომა და იმის კეთება, რაც უხარია. ჰოდა, მთავრობავ, გააკეთე რა, შენი საქმე: მოხსენი პოლიციის უფროსი, რომელიც მანქანას მისი მართვის მოწმობის გარეშე მართავს; დაიჭირე ქუჩაში იარაღით მოთარეშე ბოროტი ავტოხულიგანი პოლიციელი; ტაბურეტკით მორბენალი, მაგინარი და მაცემარი მღვდელი; გადაარჩინე ავადმყოფი ბავშვების სიცოცხლე, მათი დედები ფეისბუკით რომ გვეხვეწებიან ფულის გამეტებას... უბრალოდ, 190 ათასიანი, დაბურულ მინებიანი, მწივან-მკივანი ჯიპების გარეშე გააკეთე შენი საქმე და მერე აღარ დაგჭირდება სადისტური ვიდეო პრემიერების გამართვა იმისთვის, რომ წინა მთავრობაში მოძალადე მანიაკების არსებობა და გამოძიების ბოლომდე მიყვანის პირობა დაგიჯერონ... ჩვენ მართლა დავიღალეთ - ჩვეულებრივები..." - წერს დაჩი გრძელიშვილი.




ambebi.ge