მეორე მსოფლიო ომის ვეტერანებს ღირსების ორდენი გადაეცათ

მეორე მსოფლიო ომის ვეტერანებს ღირსების ორდენი, საქართველოს პრეზიდენტმა გიორგი მარგველაშვილმა მიანიჭა.

სამსონ ოგანესიანსა და გიორგი ჭველიძეს პრეზიდენტის ჯილდო ახალქალაქისა და ბორჯომის მერებთან, ასევე სამხარეო ადმინისტრაციის წარმომადგენლებთან ერთად, ვეტერანების საქმეთა სახელმწიფო სამსახურის სამცხე–ჯავახეთის სამმართველოს უფროსმა დავით ფეიქრიშვილმა გადასცა.

სამცხე–ჯავახეთში, მეორე მსოფლიო ომის მონაწილე, 44 ვეტერანია. მათგან ათი ახალციხეში ცხოვრობს, თერთმეტი ბორჯომში, ორი ასპინძაში, სამი ადიგენში, თოთხმეტი ახალქალაქში, ოთხი კი ნინოწმინდაში.



[sknews.ge]