სამცხე–ჯავახეთში გარემოსდაცვის სამმართველოს უფროსი შეიცვალა

თამაზ ბიბილაშვილის სამცხე–ჯავახეთის რეგიონული სამმართველოს უფროსის პოზიციაზე დანიშვნის შესახებ ბრძანება უკვე დაიწერა. იგი რეგიონში უფლებამოსილების შესრულებას პირველი ივნისიდან შეუდგება.

ბიბილაშვილი გარემოსდაცვის სამმართველოში შინაგან საქმეთა სამინისტროდან გადავიდა. მას ამ უწყებაში 2005 წლიდან სხვადასხვა პოზიცია ეკავა.
რაც შეეხება ნატრიაშვილს იგი სამცხე–ჯავახეთის რეგიონული სამმართველოს უფროსად 2015 წლის ივლისიდან 2018 წლის მაისამდე მუშაობდა. მან შვებულებაში გასვლისა და სამსახურიდან წასვლის შესახებ განცხადება ერთდროულად დაწერა.

„ოფიციალურად 31 მაისამდე ნატრიაშვილი შვებულებაშია, ამიტომ ბიბილაშვილი მუშაობას სამცხე–ჯავახეთში პირველი ივნისიდან დაიწყებს“, – აცხადებენ გარემოსდაცვითი ზედამხედველობის დეპარტამენტის საზოგადოებასთან ურთიერთობის სამსახურში.

რა გახდა ნატრიაშვილის მიერ სამსახურის დატოვების მიზეზი, უცნობია. მასთან დაკავშირება ვერ შევძელით, რადგან მისი მობილური ტელეფონი მიუწვდომელია.

[თამუნა უჩიძე, ახალციხე]