თავდაცვის სამინისტროს ორკესტრმა ახალციხეში კონცერტი გამართა

26 მაისის კვირეული ფარგლებში, სამხედრო ორკესტრის ხუთმა წევრმა „ახალციხის ციხის“ ტერიტორიაზე კონცერტი გამართა. მათ უცხოელი კომპოზიტორების ნაწარმოებები შეასრულეს.

„ცხრა წელია რაც აქ მესაყვირე ვარ. ინსტრუმენტალურ მუსიკას ვასრულებთ: ჰერბი ჰენკონგის „კალტალუპეს“, არტურ სანდოვალის „საღამო ჰავანაში“, და ა.შ“. – ამბობს ორკესტრის უფროსი მუსიკოსი არჩილ დავითაშვილი.

ორკესტრი 1991 წლიდან მუშაობს და მასში 67 მუსიკოსი უკრავს.

ასევე, დღეს, თავდაცვის სამინისტროს თანამშრომლებმა, შეიარაღებულ ძალებში საკონტრაქტო სამსახურის პირობებთან დაკავშირებით, ქალაქის ცენტრში საინფორმაციო ბროშურები დაარიგეს.

„ვიწვევთ 18 –დან 35–წლამდე მოქალაქეებს. ბუკლეტებში მოცემულია ინფორმაცია ანაზღაურებაზე, სოციალური დაცვის გარანტიებსა და იმ დოკუმენტებზე, რაც საჭიროა შეიარაღებულ ძალებში ჩასარიცხად“, – განაცხადა გენერალური შტაბის საზოგადოებასთან ერთიერთობის სერჟანტმა თორნიკე თვარაძემ.

მისი თქმით, საკონტრაქტო სამსახურში მიღება შვიდ მაისს გამოცხადდა და მაისის ბოლოს დასრულდება.





[მარიამ ბარძიმაძე, ახალციხე]