ახალციხეში სამხედრო ორკესტრის ბენდი კონცერტს გამართავს

კონცერტი, სამხედრო საჩვენებელი ორკესტრის ბენდის მონაწილეობით, ისტორიული კომპლექსის ტერიტორიაზე, 14 მაისს, 19:00 საათზე დაიწყება.

ღონისძიება 26 მაისის კვირეულის ფარგლებშია დაგეგმილი.

ორკესტრში 67 მუსიკოსი უკრავს, მათ შორის 3 ქალია.

თავდაპირველად, საქართველოს შეიარაღებული ძალების ორკესტრის რეპერტუარში სახელმწიფო ჰიმნები, სამხედრო მარშები და სამგლოვიარო მუსიკალური ნაწარმოებები შედიოდა. ბოლო პერიოდში ორკესტრმა რეპერტუარი გაზარდა და დღეს მსოფლიოში აღიარებული კომპოზიტორების კლასიკურ და თანამედროვე ნაწარმოებებსაც ასრულებს.

[sknews.ge]