საინფორმაციო კამპანია საკონტრაქტო სამსახურის შესახებ

საკონტრაქტო სამხედრო სამსახურში მიღებასთან დაკავშირებით გამართული საინფორმაციო კამპანიის ფარგლებში, თავდაცვის სამინისტროს საზოგადოებრივ საქმეთა დეპარტამენტის თანამშრომლებმა და სამხედრო მოსამსახურეებმა დღეს ახალციხის ქუჩებში საინფორმაციო ბუკლეტები და ჟურნალები გაავრცელეს.

ჟურნალში დეტალურადაა აღწერილი ყველა ის პირობა და შეთავაზება, რომელიც პროგრამაში მონაწილეობის მსურველმა უნდა გაითვალისწინოს.

საკონტრაქტო სამსახურის გავლა შეუძლიათ 18-დან 35 წლამდე ასაკის მოქალაქეებს, სამხედრო სავალდებულო სამსახურში მყოფ პირებს, ასევე წვევამდელებს 18 წლის ასაკიდან. მოქალაქეს გაუფორმდება 4-წლიანი კონტრაქტი, რომელიც მოიცავს ორ ეტპს: პირველი - სწავლების პერიოდი, რომელიც ცხრაკვირიანია და მეორე - ქვედანაყოფში სამსახური. ანაზღაურება 700 ლარია, რომელიც შემდეგ 20-30%-ით გაიზრდება.

- ”მოსახლეობის ნაწილს თავდაცვის სამინისტროს ახალი პროგრამის შესახებ მცირედი ინფორმაცია გააჩნია, ან საერთოდ არ იცის. ამიტომ, ჩვენ პიარს ვუკეთებთ ამ პროექტს”, - გვითხრა აქციის მონაწილე გიორგი კაჭარავამ.

ნინო გოგოლაძე, ახალციხე]