პროტესტი ერევანში – აქციებს სტუდენტები და სამხედროები შეუერთდნენ [Photo|Video]

მეთერთმეტე დღეა, სომხეთში საპროტესტო აქციები მიმდინარეობს. ერევნის მოსახლეობა სომხეთში ქვეყნის ყოფილი პრეზიდენტისა და ამჟამინდელი პრემიერ-მინისტრის, სერჟ სარქისიანის გადადგომის მოთხოვნით საპროტესტო აქციებს მართავს.

აქციები ერევანში 13 აპრილს დაიწყო. დღემდე პოლიციას 270–ზე მეტი დემონსტრანტი ჰყავს დაკავებული, მათ შორის ოპოზიციის ლიდერი, ნიკოლ პაშინიანი. აქციის დასაშლელად პოლიციამ არაერთგზის გამოიყენა წყლის ჭავლი, ხმოვანი ყუმბარები, მავთულხლართები და ხელ–კეტები. დაშავებულებს შორის არიან სტუდენტები და ჟურნალისტები.

ერევანში მიმდინარე მოვლენებთან დაკავშირებით, გუშინ, 22 აპრილს საპროტესტო აქცია გაიმართა საქართველო–სომხეთის საზღვართან ახლოს, ნინოწმინდის საბაჟო გამშვებ პუნქტთან. რის გამოც, საზღვარზე გადაადგილება დროებით შეფერხებული იყო.

ორი დღეა, ერევნის პარალელურად საპროტესტო აქციები მიმდინარეობს სომხეთის ქალაქ გიუმრშიც.

იხილეთ "სამხრეთის კარიბჭეს" ოპერატორის, ნანა ინასარიძის ფოტო–ვიდეო რეპორტაჟი ქალაქ გიუმრიდან.








[sknews.ge]